झापाको अर्जुनधारामा भीरबाट लडेर एक वृद्धको मृत्यु भएको छ । आइतबार साँझदेखि बेपत्ता रहेका अर्जुनधारा नगरपालिका–२ लाप्चेटार बस्ने ६५ वर्षीय यमबहादुर लाय मगरको शान्ति सामुदायिक वनभित्र पर्ने अन्दाजी ६० फिट अग्लो भीरबाट लडेर मृत्यु भएको हो । आफ्नै पुरानो घर जान्छु भनी हिँडेकोमा घर फर्की नआएपछि खोजतलास गर्ने क्रममा भीरबाट लडेर आज मृत अवस्थामा फेला परेको जिल्ला प्रहरी कार्यालय झापाले जनाएको छ ।