झापाबाट विराटनगरतर्फ जाँदै गरेको कोशी प्रदेश सभाका सांसदहरू सवार गाडी मोरङको कानेपोखरीमा दुर्घटनामा परेको छ। दुर्घटनामा परेको गाडीमा प्रदेश सभा सदस्यहरू लाल धिमाल, राधाकृष्ण खनाल, मैयाँ श्रेष्ठ, र विद्या चाम्लिङ सवार रहेको जिल्ला प्रहरी कार्यालय मोरङले जनाएको छ।

विपरित दिशाबाट आउँदै गरेको कारसँग ठोक्किँदा सांसद सवार गाडी सडकमा पल्टिएको थियो । अर्को कार जिल्ला प्रहरी कार्यालय झापामा कार्यरत डीएसपी खगेन्द्र खड्काले चलाएका थिए । उनी पनि सामान्य घाइते भएका छन् । दुईवटै गाडीमा सवार भएकाहरूको अवस्था सामान्य रहेको मोरङ प्रहरी प्रवक्ता प्रहरी नायव उपरीक्षक वेदप्रकाश जोशीले जानकारी दिए ।