भद्रपुर । भद्रपुर-१० स्थित चन्द्रगढी सामुदायिक वन उपभोक्ता समितिले आफ्नो मिलमा अवैध काठ चिरान गरिरहेको फेला परेको छ ।डिभिजन वन कार्यालय झापाले शुक्रवार बेलुका साढे ४ बजे चन्द्रगढी सामुदायिक वन उपभोक्ता समितिले आफ्नो मिलमा अवैधरुपमा चिरान गरिरहेको अवस्थामा ८३.५२ क्युफिट सखुवाको चिरान काठ बरामद गरेको छ । 

कटान अनुमतिभन्दा बाहिर वन समितिले काठ चिरान गरिरहेको अवस्थामा सो काठ बरामद गरिएको डिभिजन वन कार्यालयका वन अधिकृत जीवन पाठकले बताए । उनले सो काठ आवश्यक कारबाहीको लागि डिभिजन वन कार्यालयमा ल्याइएको जानकारी दिए ।