झापा । झापामा चट्याङ लागेर एकै दिन तीन जनाको मृत्यु भएको छ ।   मृत्यु हुनेमा कमल गाउँपालिका–२ का ४६ वर्षे राजन खड्का, झापा गाउँपालिका ४ दोसाकी का ५० वर्षीय मन्जुर आलम र गौरीगञ्ज गाउँपालिका–८ का ४२ वर्षे विकास गिरी रहेको जिल्ला प्रहरी कार्यालय झापाका प्रवक्ता कृष्णबहादुर चन्दले जानकारी दिए। 

उनका अनुसार विहान घरबाट खेततर्फ जाने क्रममा चट्याङ लागेर घाइते भएका खड्काको दमकस्थित आम्दा अस्पताल पुर्याइए लगत्तै चिकित्सकले मृत घोषणा गरेका थिए ।

साथै गौरीगञ्ज गाउँपालिका ३ मा सीताराम दाहालको खेतमा काम गर्दै गर्दा विकास गरीलाई चट्याङ लागेको थियो । उनको घटनास्थलमै मृत्यु भएको थियो । त्यस्तै आज बिहान ९ बजे आफ्नो खेतमा आली लगाउँदै गरेका आलमको चट्याङले लागेर घटनास्थलमै मृत्यु भएको प्रवक्ता चन्दको भनाइ छ ।