२०८१ जेष्ठ ८ गते , मंगलबार

ओमसाई हस्पिटलमा एम्सबाट आएका डा. राउतको सेवा आजदेखि सुरु

sajilo news
झापा
२०८० आश्विन २ गते , मंगलबार
ओमसाई हस्पिटलमा एम्सबाट आएका डा. राउतको सेवा आजदेखि सुरु

भद्रपुर । भद्रपुरस्थित ओमसाई पाथीभरा हस्पिटलमा कन्सल्टेन्ट फिजिसियन डा. श्रवणकुमार राउतको दैनिक सेवा सुरु भएको छ । विराटनगर घर भएका डा. राउत भारतको नयाँ दिल्लीस्थित एम्स अस्पतालबाट ओमसाई हस्पिटल आएका हुन् । डा. राउतले जगतगुरु अनन्त विभूषित वालसन्त मोहनशरण देवाचार्य महाराजको स्वास्थ्य परीक्षण गरी सेवाको शुभारम्भ गरेका थिए ।

त्यसपछि डा. राउतले हस्पिटलका अध्यक्ष दीपककुमार पोखरेललेका माता-पिता जानकीदेवी र गुप्तराज पोखरेलको स्वास्थ्य परीक्षण समेत गरेका थिए ।  डा. राउतसँगै ओमसाईमा चार जना कन्सल्टेन्ट फिजिसियनले सेवा दिइरहेको हस्पिटलका सञ्चालक बालकुमार पोखरेलले जानकारी दिए । यसअघि कन्सल्टेन्ट फिजिसियन डा. रामकुमार सिटौला, डा. मोनालिसा सङ्ग्रौला र डा. अमर कपुरीले सेवा दिँदै आइरहेका थिए ।

नयाँ भवनको विस्तारसँगै हस्पिटलमा बिरामीको चाप अत्यधिक बढेसँगै थप गुणस्तरीय सेवा प्रवाह गर्न ओमसाईले एम्स अस्पतालबाट डाक्टर मगाएको हस्पिटलका व्यवस्थापक दीप पौडेलले जानकारी दिए । 'अब हस्पिटलमा सेवा लिन आउने बिरामीलाई कुनै समस्या हुँदैन,' उनले भने, 'इन्डोस्कोपी, इको, टिएमटी, पिएफटी लगायतको सेवा थप सहज हुनेछ ।' साथै हस्पिटलले असोजको पहिलो साताभित्रै १५ बेडको एनआईसीयु र १० बेडको नर्सरी वार्डको सेवा सुचारु गर्न लागेको छ । छ्ट्टिै आँखा सम्बन्धि शल्यक्रियासहितको उपचार सेवा पनि सुचारु गर्न लागेको उनले बताए । 

सम्बन्धित समाचार