प्रतिबन्धित लागू औषध ब्राउन सुगरसहित झापाको अर्जुनधाराबाट एक जना पक्राउ परेका छन् । पक्राउ पर्नेमा अर्जुनधारा नगरपालिका- ११ बस्ने २५ वर्षीय निर्मल बुढाथोकी रहेका छन् ।

शुक्रबार दिउँसो साढे ३ बजेको समयमा जिल्ला प्रहरी चौकी शनिश्चरेबाट खटिएको प्रहरी टोलीले बुढाथोकीलाई शङ्का लागेर चेकजाँच गर्दा उनको साथबाट ५ ग्राम १०० मिलिग्राम ब्राउन सुगर, एक थान मोबाइल र नगद १५ हजार फेला परेको थियो । उनलाई नियन्त्रणमा लिई इलाका प्रहरी कार्यालय अनारमनिमा राखी थप अनुसन्धान भइरहेको जिल्ला प्रहरी कार्यालयले जनाएको छ ।