भद्रपुर । झापामा चोरी मुद्दाका एक फरार प्रतिवादी पक्राउ परेका छन् । पक्राउ पर्नेमा दमक नगरपालिका-७ निवासी २२ वर्षीया ठुलो भाइ भन्ने युवराज विक रहेका छन् ।

झापा जिल्ला अदालतको २०७९ असार १६ गतेको फैसला अनुसार चोरी मुद्दामा विकलाई ३ महिना कैद, १० हजार जरिवाना र पीडितलाई १५ हजार क्षतिपूर्ति भराउनु पर्ने सजाय सुनाएको थियो ।

सोही दिनदेखि फरार रहेका उनलाई जिल्ला प्रहरी कार्यालय झापाबाट खटिएको टोलीले पक्राउ गरी कैद भुक्तानका लागि झापा कारागार भद्रपुर चलान गरिसकेको जिल्ला प्रहरी कार्यालय झापाले जनाएको छ ।