बिर्तामोड । प्रतिबन्धित लागू औषध ब्राउन सुगरसहित बिर्तामोडमा एक जना पक्राउ परेका छन् । पक्राउ पर्नेमा बिर्तामोड नगरपालिका- ४ घर बताउने ३३ वर्षीय बब्लु सिवाकोटी रहेका छन् । आइतबार दिउँसो बिर्तामोड नगरपालिका- १ स्थित भगवान् चोकमा इलाका प्रहरी कार्यालय अनारमनिबाट खटिएको प्रहरी टोलीले शिवाकोटीलाई चेकजाँच गर्दा उनको साथबाट रुमालमा पोको पारी राखेको ६ ग्राम ८०० मिलिग्राम ब्राउन सुगर फेला परेको थियो । उनलाई नियन्त्रणमा लिई इलाका प्रहरी कार्यालय अनारमनिमा ल्याई थप अनुसन्धान भइरहेको जिल्ला प्रहरी कार्यालयले जनाएको छ ।