२०७९ आश्विन १५ गते , शनिबार

भुटानी शरणार्थी हत्या प्रकरण : घटनामा संलग्न तीन जना पक्राउ

sajilo news
झापा
२०७९ आश्विन ६ गते , विहीबार
भुटानी शरणार्थी हत्या प्रकरण : घटनामा संलग्न तीन जना पक्राउ

दमक बेलडाँगीस्थित भुटानी शरणार्थी शिविरका एलबी गुरुङ नामले चिनिने ४६ वर्षीय लालबहादुर गुरुङको हत्यामा संलग्न भएको आशङ्कामा प्रहरीले तीन जनालाई नियन्त्रणमा लिएको छ ।

घटनामा संलग्न भएको आशङ्कामा केहीलाई इलाम प्रहरीले पक्राउ गरिसकेको र उनीहरूका बारेमा थप अनुसन्धान भइरहेको इलाका प्रहरी कार्यालय दमकले जनाएको छ । प्रहरीले पक्राउ परेकाको नाम खुलाएको छैन ।बुधवार अपराह्न खुकुरी प्रहारबाट गुरुङको मृत्यु भएको थियो । झापा र इलामको सीमा नजिक पर्ने रतुवा खोलाको पुलमा गुरुङमाथि अज्ञात समूहले खुकुरी प्रहार गरेका थिए । गुरुङको खुट्टा र हातमा गहिरो चोट लागेको थियो ।

त्यसपछि घटनास्थल पुगेका प्रहरीले घाइते गुरुङलाई उद्धार गरी उपचारका लागि लाइफलाइन अस्पताल पु¥याए पनि त्यहाँ उपचार सम्भव नभएपछि थप उपचारका लागि बिर्तामोडस्थित बिएण्डसी अस्पताल लगिएकामा साँझ नै उपचारको क्रममा मृत्यु भएको हो । प्रहरीका अनुसार व्यक्तिगत रिसिबीका कारण सो घटना भएको हुनसक्ने आशङ्का गरिएको छ ।

सम्बन्धित समाचार