झापाको बिर्तामोडमा आमरण अनसन बसिरहेका जेनजी घाइते विवेक दनुवारलाई काठमाडौँ पठाइएको छ । उपचारका लागि काठमाडौँ पठाइएको झापाका प्रमुख जिल्ला अधिकारी श्रवणकुमार पोखरेलले जानकारी दिए । उनका अनुसार आजै जहाज मार्फत काठमाडौँ पठाइएको हो ।

भदौ ३० गतेबाट विभिन्न माग राख्दै आमरण अनसन बसेका दनुवारको थप उपचारका लागि काठमाडौँ पठाइएको प्रजिअ पोखरेलले जानकारी दिए । जेनजी घाइते र प्रतिनिधिहरूसँग पटक–पटकको वार्तामा पूर्ण सहमति नभएपछि तत्काललाई उपचारको व्यवस्था गर्न काठमाडौँ पठाइएको हो ।

अनसन बसेका दनुवारले घाइतेको निःशुल्क उपचार, शिक्षा र रोजगारीको ग्यारेन्टी हुनुपर्ने लगायतका माग राखेका थिए । उनलाई अन्य घाइतेहरूले सहयोग गरेका छन् ।