एक्कासी आएको बाढीले त्रिशुली नदीमा फसेका २ जनाको सकुशल उद्धार भएको छ।  नुवाकोटको विदुर नगरपालिका–९ इन्द्रेणीघाटस्थित त्रिशूली नदीमा फसेका दुई जनाको नेपाली सेनाको हेलिकप्टर टोलीले उद्धार गरेको हो।

नुवाकोट, विदुर नपा–१ लभ डाडा मिलन चौताराका ६७ वर्षीय पाल्देन तामाङ र उनकी श्रीमती ६२ वर्षीया मंगली तामाङ त्रिशुली नदीको किनारामा दाउरा काट्न जाँदा  बाढीमा फसेका थिए। 

बाढी बढ्दै गएपछि रुखमा चढेर उद्धारको पर्खाइमा थिए। हाल त्रिशूली नदीले सतर्कता तह पार गरेको छ।  अहिले नुवाकोटस्थित बेत्रावती जलमापन केन्द्रमा त्रिशूली नदी जलसतह सतर्कता तह पार गरेको जल तथा मौसम विज्ञान विभागले जनाएको छ।