होलीमा अबाञ्छित गतिविधि गर्ने झापामा सात जनालाई प्रहरीले नियन्त्रणमा लिएको छ । जिल्लाका विभिन्न स्थानमा अबाञ्छित गतिविधि गर्ने ७ जनालाई नियन्त्रणमा लिएको जिल्ला प्रहरी कार्यालय झापाका डीएसपी खगेन्द्र खड्काले बताए ।

त्यस्तै प्रहरीले जथाभावी चलाउने ४२७ वटा सवारी साधन नियन्त्रणमा लिएको छ । ३७२ वटा मोटरसाइकल, ४० वटा तीन पाङ्ग्रे र १५ वटा चार पाङ्ग्रे सवारीसाधान नियन्त्रणमा लिएको उनले बताए  । नियन्त्रणमा लिएका सवारी साधनलाई जरिवाना तिराएर छोडिने उनको भनाई छ ।