नयाँदिल्ली । बलिउड अभिनेत्री सनी लियोनीले दोस्रो पटक बिहे गरेकी छिन । सन्नी र ड्यानियलले सन् २०११ मा विवाह गरेका थिए। बिहेको १३औं वार्षिकोत्सवमा ३१ अक्टोबरमा जोडीले माल्दिभ्समा फेरि विवाह गरेकी हुन् । तर, सन्नी र डेनियल दुवैले बिहेको तस्वीर सामाजिक सञ्जालमा शेयर गरेका छैन ।

बिहेमा दम्पतीका छोराछोरी निशा, नोआ र आशर मात्र उपस्थित थिए । मिडिया रिपोर्टका अनुसार शिख परम्परा अनुसार बिहे गरेको १३ वर्षपछि सन्नी र डेनियलले श्वेत वेडिङ रोजेका थिए । दुईले आफ्नो वैवाहिक वाचा बन्धन फेरि दोहोर्‍याउन चाहेका थिए, तर आफ्ना छोराछोरीले यो समारोहको महत्व बुझुन् भनेर उनीहरूले कुरिरहेका थिए ।

सन्नी लियोन र ड्यानियल वेबरले बिहेको लागि मालदिभ्स रोजे । यो उनीहरूको परिवारको मनपर्ने छुट्टी मनाउने ठाउँ भएकाले पनि यही ठाउँ रोजिएको बताइएको छ । दम्पतीले आफूहरू स्वयम्ले लेखेका वाचा पढ्दै तीनैजना छोराछोरीलाई आफ्नो लागि परिवारको महत्व के छ भन्ने बताएको पनि खबरमा भनिएको छ ।

डेनियलले सन्नीलाई नयाँ औँठी लगाइदिएका थिए। लामो समयसम्म डेटिङ गरेपछि सन्नी लियोनीले सन् २०११ को अप्रिल ९ मा डेनियल वेबरसँग विवाह गरेकी थिइन् । त्यसपछि दुवैले सन्नीको सिख परम्परा अनुसार बिहे गरिन् ।

पूर्व पोर्नस्टार एवं बलिउड नायिका लियोनी र डेनियलको पहिलो भेट लस भेगासको एउटा रेष्टुरेन्टमा भएको थियो । जहाँ, डेनियल आफ्नो ब्यान्डसहित शोका लागि पुगेका थिए । सन्नी आफ्नो साथीहरूसँग छुट्टी मनाउन गएकी थिइन् । 

सन्नीको भनाई अनुसार पहिलो भेटमा डेनियलले सन्नीको नाम सोध्नुभयो अनी जानुभयो । अर्को दिन पनि सन्नी त्यही जानुभयो । डेनियलले उनलाई फूलको गुच्छा दिएर प्रेम प्रस्ताव राखेको थियो । सन्नीले विना कुनै हिच्किचाहट ओके गरेकी थिइन ।