झापा । लायन्स क्लब अफ बिर्तामोड लेडीले अर्जुनधारा- ६  दास पुलस्थित बाल कल्याण आधारभूत विद्यालयका विद्यार्थीहरूलाई शैक्षिक सामग्री वितरण गरेको छ ।  उनीहरूलाई कपी  तथा अन्य स्टेशनरी सामान  वितरण गरिएको हो । लायन्स क्लब अफ बिर्तामोड लेडीकी सक्रिय सदस्य  तथा सामाजिक व्यक्तित्व उमा शाहका  छोराको जन्मदिनको अवसर पारेर सो सहयोग गरिएको लायन्स क्लब अफ बिर्तामोड लेडीकी अध्यक्ष निरू उप्रेती ओलीले बताइन् ।

कार्यक्रममा लायन्स क्लबका डिस्ट्रिक्ट चिफ नीरज ओली, वीरता लेडी जेसीजकी अध्यक्ष मेनुका ओली , छठ महिला मञ्चकी अध्यक्ष हेमलता चौधरी, लायन्सका लिडरहरू, विद्यालयका शिक्षक, शिक्षिकालगायतको उपस्थिति रहेको थियो । लायन्स क्लब अफ बिर्तामोड लेडीकी अध्यक्ष ओलीको यो ४२ औं कार्यक्रम भएको जनाइएको छ ।