भद्रपुर । सामाजिक संस्था इनरव्हील क्लब अफ भद्रपुरले दुई विद्यालयमा शैक्षिक सामग्री वितरण गरेको छ । इनरव्हील क्लबले सरस्वती पूजाको अवसरमा सोमबार  भद्रपुर नगरपालिका- ८ स्थित बाल मन्दिर र भानु प्राविका विद्यार्थीहरूलाई शैक्षिक सामग्री वितरण गरेको हो ।  बाल मन्दिरका २० जना र भानु प्राविका ८० जना गरी एक सय विद्यार्थीहरूलाई शैक्षिक सामग्री वितरण गरिएको क्लबकी मिडिया इडीटर डिचेन शेर्पा राईले जानकारी दिइन् । इनरव्हीलकी अध्यक्ष निर्मला निरौला खडकाको अध्यक्षता भएको कार्यक्रममा क्लबका पदाधिकारीहरूको उपस्थिति रहेको थियो ।