२०८१ असार ६ गते , विहीबार

तीन हजारबढी विद्यार्थीलाई पोशाक वितरण गर्दै बिर्तामोड नगरपालिका

sajilo news
झापा
२०८० माघ २६ गते , शुक्रबार
तीन हजारबढी विद्यार्थीलाई पोशाक वितरण गर्दै बिर्तामोड नगरपालिका

बिर्तामोड । बिर्तामोड नगरपालिकाले कक्षा ५ सम्मका विद्यार्थीलाई पोशाक वितरण सुरु गरेको छ ।

नगरका १८ वटा सामुदायिक र २ वटा धार्मिक गरी २० वटा विद्यालयमा अध्ययनरत कक्षा ५ सम्मका विद्यार्थीको लागि निःशुल्क विद्यालय पोशाक वितरण कार्य बिहीवारदेखि सुरु गरिएको हो ।

नगर प्रमुख पवित्रा महतारा प्रसाई, उपप्रमुख नगेन्द्रप्रसाद संग्रौला, वडाध्यक्ष दुर्योधन गुरुङ, शिक्षा शाखा प्रमुख तिलचन भण्डारी, अधिकृत केशर खवासलगायतको टोलीले पहिलो दिन वडा नम्बर १० को चमरधाप आधारभूत विद्यालय, विराट आधारभूत विद्यालय, लक्ष्मीनारायण आधारभूत विद्यालय र महेन्द्र ज्योति माध्यमिक विद्यालयमा पुगेर पोशाक वितरण गरेको छ ।नगर प्रमुखसहितको टोलीले विद्यालयमा पुगेर त्यहाँको वर्तमान अवस्था बुझ्नुका साथै पोशाक वितरणलाई अघि बढाएको हो ।नगर प्रमुख प्रसाईले स्कुल ड्रेसले विद्यार्थीहरुमा एकरुपता आउने भएकाले पढ्नको लागि सहज वातावरण निर्माण हुने बताइन् । उनले बिर्तामोडको जनसंख्या बढ्दै गएकोले ग्रामीण क्षेत्रका विद्यालयहरुलाई व्यवस्थित बनाउँदै लैजानु पर्ने र यसका लागि शिक्षक, विद्यालय व्यवस्थापन समिति र अभिभावक जुट्नु पर्नेमा जोड दिइन् ।यस्तै नगर उप–प्रमुख संग्रौलाले विद्यार्थीहरुको सरसफाई तथा समयलाई ख्याल गर्न शिक्षक र अभिभावकलाई सुझाव दिए ।

यस्तै वडाध्यक्ष गुरुङले विद्यालयमा राजनीति गर्न नहुने बताए । उनले शिक्षक तथा व्यवस्थापन समितिलाई विद्यार्थीको पठनपाठनमा ध्यान दिन आग्रह गरे ।

विद्यालय व्यवस्थापन समितिसमेतलाई उपस्थित गराएर पोशाक वितरण गरिएको हो । नगरपालिकाले हरेक वर्ष पोशाक वितरण कार्य गर्दै आएको छ । यस वर्ष ३ हजार ७ सय १६ जना विद्यार्थीलाई वितरण गर्ने योजना रहेको शिक्षा शाखा प्रमुख तिलचन भण्डारीले जानकारी दिए ।

सम्बन्धित समाचार