दमक । दमक नगरपालिका- ६ स्थित अम्बिका माछा फ्राईबाट ठुलो परिमाणको अखाद्य माछा बरामद गरेको छ । दमक नगरपालिकाको बजार अनुगमन टोलीले सोमबार अम्बिका माछा फ्राईबाट करिब ६ क्विन्टल भण्डारण तथा कुहिएका माछाहरू बरामद गरेको जनाइएको छ । सो  टोलीले माछा फ्राईको अनुगमन गर्दा बिक्रीका लागि ल्याएको माछा भारतबाट आयात गरी राखिएको अवस्थामा फेला पारेका थिए । सो माछा अवैध रुपमा भित्राइएको पाइएपछि अनुगमन टोलीले नगर प्रहरी लगाएर माछा जफत गरेका थिए ।