सुनसरीको रामधुनी नगरपालिका- ७ स्थित ईचौलमा दुई वटा स्कुटर ठोक्किँदा एक महिलाको मृत्यु भएको छ । शुक्रबार दिउँसो पौने २ बजे चतरा कान्छीचोक सडक खण्डमा उत्तरबाट दक्षिणतर्फ आउँदै गरेको को २१ प ५८१० नम्बरको स्कुटर र विपरीत दिशाबाट जाँदै गरेको प्रदेश १-०२-०४० प ३०३१ नम्बरको स्कुटर एक आपसमा ठोक्किँदा दुर्घटना भएको थियो ।

दुर्घटनामा परेर घाइते भएका धरान उपमहानगरपालिका ११ का ४८ वर्षीय ज्ञान प्रकाश राई र पछाडि सवार  उनकै श्रीमती ४१ वर्षीया दुर्गा कुमारी राई र सुनसरी वराहक्षेत्र नगरपालिका- २ का ४२ वर्षीय प्रताप मगर घाइते भएका थिए । घाइते भएकी दुर्गा कुमारी राईको उपचारको क्रममा विराट टिचिङ अस्पतालमा मृत्यु भएको छ । घटना बारे प्रहरीले थप अनुसन्धान गरिरहेको इलाका प्रहरी कार्यालय पकलीले जनाएको छ ।