क्रोएसिया पठाइदिन्छु भन्दै झापाका युवाहरूको लाखौँ रकम ठगेर सरदार फरार
झापा कनकाई नगरपालिका–३, सुरुङ्गा बजार र कनकाई टोल र झापा गाउँपालिका क्षेत्रका एक सय बढी युवालाई राम्रो देशमा रोजगारी लगाइदिने भन्दै प्रतिव्यक्ति १ लाखदेखि ३ लाखका दरले रकम उठाएर मोरङ पोखरिया घर भई हाल कनकाई नगरपालिका–३ कनकाई टोलमा डेरा गरी बस्ने सञ्जय सरदार फरार भएका छन् ।
कनकाई–३ कनकाई टोलको एक घरमा डेरा गरी बस्ने सरदारले स्थानीय युवालाई आकर्षक तलबमा रोजगारीका लागि क्रोएसिया पठाइदिने भन्दै रकम ठगेर बेपत्ता बनेका हुन् । रकम ठगी गर्नेहरुमध्ये २ महिलासहित १६ जनाको समूहलाई भारतको दिल्ली समेत पुर्याएर त्यहाँ मेडिकल र बायो मेट्रिक गराएको समेत नाटक गरेको स्थानीय सनम राईले बताए ।
भारतको दिल्लीमा त्यहीको अर्को ठगलाई बोलाएर आफूहरू बसेकै होटेलमा आएर बायोमेट्रिक गराएको र नेपाल ल्याएपछि यिनीहरू चाँडो उड्छन् भन्दै गाउँका अन्य युवाहरूबाट १ लाखदेखि ३ लाखसम्म सुरुमा डकुमेन्ट बनाउन भन्दै रकम र पासपोर्ट लिएको राईले बताए ।
दिल्लीमा पुगेर १६ जनाको समूह फर्किएपछि झन् विश्वासमा परेर अधिकृतको जागिर सेना प्रहरीको जागिर समेत छाडेर गाउँले युवाहरूले रकम दिएको थिए । सरदारले १०० बढी युवाको यसरी रकम उठाएर एकाएक फरार बनेपछि आफूहरू ठगिएको थाहा पाएको अर्का पीडित युवा कनकाई नगरपालिका–३ का सुभाष श्रेष्ठले बताए ।
उनले समेत आफूले विदेश जान भनेर खाँदै गरेको सरकारी जागिर समेत छाडेको बताए । सबै जना विदेश जाने भनेर पोइसा बुझाएको पाएपछि आफूले समेत ठगलाई विश्वासमा परेर रकम दिएको बताए । गाउँमै बसेको साथी हो, गाउँले ज्वाइँ हो भनेर अधिकांशले रकम दिएको पाइएको छ । सरदारले झापा गाउँपालिकाकी दीक्षा गनगाईसँग विवाह गरेर उनीलाई समेत सुरुङ्गामा डेरा राखेर सुरुङ्गा बजारमा ब्युटी पार्लर खोलिदिएका थिए ।
उनी भने, ‘कनकाई भेट्रान क्लबमा रहेर आफू पनि फुटबल खेल्ने गरेका थिए । सरदारले ठगी गर्नेहरुमा अधिकांश कनकाई माविको खेल मैदानमा बिहान र बेलुकी फुटबल खेल्न आउने युवाहरू परेका छन् । उनले पहिले त्यहाँ बल खेल्न आउने केही युवालाई विश्वासमा पारेर उनीहरूलाई समेत रकम र पासपोर्ट उठाउन उक्साएको पीडितहरूको गुनासो रहेको छ ।
यसरी सरदारबाट ठगिनेहरूमा कनकाई–३ कनकाई टोलका सनम राई २ लाख ५० हजार, सुभाष श्रेष्ठ भूतपूर्व सरकारी जागिरे समेत रहेकाबाट १ लाख ५० हजार, कनकाई–३ सुरुङ्गा बजारका बाबुलाल सोनीबाट १ लाख, सम्रात शिवाकोटीबाट २ लाख, विशाल राईबाट डेढ लाख, रोर्वट लिम्बूबाट २ लाख ५० हजार, कनकाई २ जामुनवारीका सन्तोष श्रेष्ठबाट १ लाख ५० हजार, झापा गाउँपालिकाका गणेश कार्कीबाट १ लाख ५० हजार, रञ्जित न्यौपानेबाट १ लाख ५० हजार, त्यसैगरी कनकाई नगरपालिकाका–३ नम्बर वडा तथा झापा गाउँपालिकाका विभिन्न युवाहरू महेश भट्टराई, दिलीप शाह, विकास गुरुङ, विजय श्रेष्ठ, हर्क बोहोरा, भगिराज धिमाल, गोपाल बस्नेत, पवन मोते, इस्शाक अलि, पदम मगर, अश्मिन भुजेल, सुमन थापा, तुलसी पौडेल, सुदिप दाहाल, नगेन्द्र बोहोरा, प्रेम सिटौला, सुरेन्द्र थापा, भीम राजवंशी, अभिषेक परियार, केशव बिमली, मनोज अछामी, योगबहादुर तामाङ, गोविन्द क्षेत्री, नगेन्द्रबहादुर बस्नेत, हेमसिंह श्रेष्ठ, मेघराज श्रेष्ठ, पदम प्रधान, सिर्जनाकुमारी थापा, तिलक राई, अभिचन्द्र श्रेष्ठ, देवकुमार आलेमगर, पदमसुन्दर गिरी, प्रकाश राई, डम्बरप्रसाद कट्टेल, किरण अधिकारी, प्रदीप अधिकारी, ज्ञानेन्द्र शेर्पा, कृष्णप्रसाद बास्तोला, राजन राजवंशी, प्रदीप राजवंशी, प्रदीप मिश्र, विशाल राई, जेन राई, रक्षा राई, जेन्स गुरुङ, संयोग गुरुङ, आकाश गुरुङ, लक्ष्मी गुरुङ, आनन्द लिम्बू, एलविस लिम्बू, आकाश श्रेष्ठ, चन्द्र गुरुङ, पुण्य पौडेल लगायतबाट प्रतिव्यक्ति १ लाखदेखि ३ लाखसम्म रकम ठगेर फरार भएका हुन् ।
सरदारले यसअघि समेत आफ्नो गाउँमा समेत गाउँलेलाई मोरङमा ठगेर झापा सुरुङ्गा आएर अर्की श्रीमती बिहे गरेर डेरामा राखी युवालाई ठगी गरेको पाइएको हो । सरदारकी घरमा जेठी श्रीमती र छोराछोरी बाबु रहेको पाइएको छ ।
हाल सुरुङ्गाका युवाले आफू ठगिएको भन्दै सामाजिक सञ्जाल र प्रहरी र जिल्ला प्रशासन कार्यालय झापामा उजुरी हालेपछि भने सरदारबाट ठगिनेहरूको सङ्ख्या बढने क्रम जारी रहेको पाइएको छ । यसरी सरदारबाट ठगिनेहरू सम्पर्कमा आउने गरेको हुँदा उनीबाट हालसम्म ५ करोड बढी ठगिएको हुन सक्ने बताइएको छ । हाल उनकी कान्छी श्रीमती दीक्षा भने ब्युटी पार्लर छाडेर दुबई पुगेको पाइएको छ । सरदार भने भारतमा लुकेर बसेको पीडितहरूको भनाइ छ ।
सम्बन्धित समाचार
.jpg)
.jpg)
.jpg)
ताजा समाचार
निःशुल्क पाठ्यपुस्तक पाउँदा शिवसताक्षीका विद्यार्थी भए ‘प्रफुल्लित’
छत ढलान गर्ने क्रममा खसेर दुई जनाको मृत्यु
कोशी अस्पतालमा छड्के अनुगमन : १७७ कर्मचारी अनुपस्थित
भद्रपुर नाकाबाट ब्राउनसुगर नेपाल सप्लाई गर्ने एक कारोबारी गलगलियामा समातिए
बिर्तामोडको सडक पेटीमा बनेका करिब २०० घरटहरा भत्किँदै
खोलामा गाडेको अवस्थामा दाजुभाइको शव भेटियो
दक्षिण भारतमा भारी वर्षाका कारण ६ जनाको मृत्यु
.jpg)
