झापा गाउँपालिकाबाट प्रतिबन्धित लागु औषध ब्राउन सुगरसहित दुई जनालाई प्रहरीले पक्राउ गरेको छ । आइतबार साँझ ६ बजे प्रहरी चौकी टाघनडुब्बाबाट खटिएको प्रहरी गस्ती टोलीले भारतबाट नेपाल तर्फ आउँदै गरेको को २६ प ८१४० नम्बरको मोटरसाइकल रोकी चेकजाँच गर्ने क्रममा मोटरसाइकल चालक चुलाचुली गाउँपालिका- २ इलामका २६ वर्षीय सुशील आङदेम्बे र पछाडि सवार २६ वर्षीय सुरज लावती लिम्बुलाई ८ ग्राम २ सय २० मिलिग्राम ब्राउन सुगरसहित पक्राउ गरेको हो । पक्राउ परेका उनीहरूको सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।