लामो समयदेखि सहकारी अभियानमा सक्रिय झापाका भवानीप्रसाद दङ्गाल राष्ट्रिय सहकारी बैंक (रास बैंक) को लेखा सुपरिवेक्षण समितिको सदस्य पदका लागि उम्मेदवारी दिएका छन् ।

विगत दुई दशकदेखि सहकारी आन्दोलनमा निरन्तर रूपमा लागिरहेका दङ्गाल हाल झापा जिल्ला सहकारी संघको सचिवको भूमिका जिम्मेवारी पूर्वक निर्वाह गरिरहेका छन् ।

सहकारी अभियानलाई निरन्तर अगाडि बढाउन र सहकारी बैंकको गरिमा उच्च राख्न आफ्नो तर्फबाट उम्मेदवारी दिएको भवानीप्रसाद दङ्गालले बताए ।  'जितेपछि बैंकको साख वृद्धि गर्दै सहकारी संस्थाको लगानी विविधीकरण र उन्नतिका लागि म दत्तचित्त भएर लाग्नेछु,' उनले भने ।

आगामी पुस १६ गते सम्पन्न हुने बैंकको १९ औ वार्षिक साधारण सभाका क्रममा मतदान गरेर आफूलाई विजयी गराइदिन उनले आम सहकारीकर्मीहरुसँग आग्रह गरेका छन् ।  देशैभरका सहकारी संस्थाका प्रतिनिधिहरूलाई एक पटक आफूलाई सेवा गर्ने मौका प्रदान गर्न अनुरोध गर्दै उनले एक विज्ञप्ति सार्वजनिक गरेका छन् । निर्वाचन सातै प्रदेशमा आगामी पुस १६ गते हुँदैछ ।