महोत्तरी जिल्लाको मटिहानी नगरपालिका- ७ स्थित परिक्रमा गाछी इलाकाबाट मंसीर २६ गते सशस्त्र प्रहरीले करिब ९ लाख ६४ हजार रुपैयाँ बराबरको ४० कार्टुन सोफी र २ कार्टुन मेडुवा मदिरा बोकेको गाडीसहित दुई जनालाई नियन्त्रणमा लिएको छ ।

सशस्त्र प्रहरी बल नेपाल बिओपी मटिहानीले भारतमा घर बताउने ३६ वर्षीय राजा साह र २२ वर्षीय अजित कुमारलाई नियन्त्रणमा लिएको हो ।

बीआर ०६ पीबी ९७११ नम्बरको बोलेरोमा राखेर नेपालबाट भारततर्फ चोरी निकासी गर्न लागिएको उक्त मदिरा तथा गाडीसहित उनीहरूलाई नियन्त्रणमा लिएको हो । पक्राउ परेकाहरूलाई बरामद मदिरा तथा गाडीसहित आवश्यक कारबाहीको लागि भन्सार कार्यालय जलेश्वरमा बुझाइएको छ ।