झापामा लागु औषध ब्राउन सुगरसहित एक महिला पक्राउ परेकी छिन् । पक्राउ पर्नेमा दमक नगरपालिका- ९ निवासी ४५ वर्षीया तुलमाया तामाङ रहेको प्रहरी कार्यालय झापाले जनाएको छ ।

इलाका प्रहरी कार्यालय दमकबाट खटिएको प्रहरी टोलीले शङ्का लागी चेक जाँच गर्दा उनको साथबाट ब्राउन सुगर जस्तो देखिने लिस्याइलो पदार्थ  ५ ग्राम फेला परेको हो । पक्राउ परेका उनलाई इलाका प्रहरी कार्यालय दमकमा राखेर थप अनुसन्धान अघि बढाएको प्रहरीले जनाएको छ ।