ललितपुरको एक घरमा गएराति लुटपाट भएको छ । महालक्ष्मी नगरपालिका ८ लुभुको चसी टोलस्थित विष्णुकुमारी गोलेको घरमा लुटपाट भएको प्रहरीले जनाएको छ ।  

आफूहरु प्रहरी भएको र सुरक्षा जाँचका लागि आएको भन्दै घरभित्र प्रवेश गरेका तीन चार जनाको समूहले लुटपाट गरेको पीडितलाई उद्धृत गर्दै प्रहरीले जनाएको छ । लुटेरा समूहले पाँच तोला सुन र ७० हजार रुपैयाँ नगद लुटेको छ । लुटपाटमा संलग्न भएकाहरुको खोजी भइरहेको प्रहरीले जनाएको छ ।