२०७८ आश्विन ७ गते , विहीवार

नेपालले आज ओमानसँग खेल्दै

नेपालले आज ओमानसँग खेल्दै :: Times of Pradesh

काठमाडौं । आईसीसी विश्वकप क्रिकेट लिग–२ अन्तर्गत त्रिकोणात्मक एकदिवसीय सिरिजमा नेपाल आज ओमानसँग भिड्दै छ।नेपाल र ओमानबीचको खेल ओमानको अल अमिरात क्रिकेट मैदानमा दिउँसो सवा ४ बजे सुरु हुनेछ।  पहिलो खेलमा अमेरिकाविरुद्ध शानदार जित निकालेको नेपाल आज पनि उच्च मनोबलसहित मैदान उत्रिँदैछ। तर नेपाल ओमानभन्दा बलियो टिमका रुपमा छ। 

यसअघि गएराति सकिएको खेलमा नेपालले अमेरिकालाई ५ विकेटले पराजित गरेको थियो। अमेरिकाले प्रस्तुत गरेको २३१ रनको लक्ष्य नेपालले एक ओभर बाँकी छँदा पाँच विकेटको क्षतिमा पुरा गरेको थियो। 

नेपालको जितमा कुशल भुर्तेलले ८४ रनको योगदान दिँदा रोहित पौडेलले अविजित ६२ रनको पारी खेले।  लिग–२ अन्तर्गत नै नेपालले यस अघि घरेलु मैदानमा पनि अमेरिकासँग खेलेका दुबै खेल जितेको थियो। नेपालले तेस्रो खेलमा अमेरिकासँग शुक्रबार प्रतिस्पर्धा गर्दा आफ्नो अन्तिम खेलमा ओमानसँग आइतबार खेल्नेछ। 



टाइम्स अफ प्रदेश अनलाइन न्युज पाेर्टलमा प्रकाशित कुनै समाचारमा तपाईंको गुनासो भए हामीलाई info@timesofprdesh.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर र युट्युबमा पनि जोडिन सक्नुहुन्छ




Leave a comment