२०७९ जेष्ठ ८ गते , आईतबार

लेबनानमा पेट्रोलियम पदार्थको ट्यांक विस्फोट हुँदा कम्तीमा २८ जनाको मृत्यु

sajilo news
पार्थ मण्डल
२०७८ श्रावण ३२ गते , सोमबार
लेबनानमा पेट्रोलियम पदार्थको ट्यांक विस्फोट हुँदा कम्तीमा २८ जनाको मृत्यु

एजेन्सी । लेवनानको उत्तरी क्षेत्रमा भएको दुर्घटनामा परी कम्तीमा २८ जनाको मृत्यु भएको छ । पेट्रोलियम पदार्थ राखिएको ट्याङ्की विस्फोटन हुँदा भएको दुर्घटनामा परी अरू ७९ जना घाइतेसमेत भएको अधिकारीहरुले जानकारी दिएका छन् ।

देशको उत्तरी क्षेत्रमा पर्ने अक्कर जिल्लाको टिलैल भन्ने ठाउँमा घटना भएको हो । मृत्यु भएका र घाइते भएकामध्ये केही व्यक्ति र सैनिकहरुसमेत रहेको लेवनानको सेनाले जनाएको छ ।

सैनिकले सर्वसाधारण उपभोक्तालाई तेल बिक्री वितरण गरिरहेका बेला ट्याङ्की विस्फोट भएको एक सैन्य अधिकारीले जनाएका छन् । विस्फोटन भएको बेला घटनास्थलमा झण्डै २०० नागरिक रहेका थिए । घटनामा परी घाइते भएकाहरुको विभिन्न अस्पतालमा उपचार भइरहेको छ ।

सम्बन्धित समाचार