२०७८ जेष्ठ ३० गते , आईतवार

पाकिस्तानमा दुईवटा रेल ठोक्किँदा कम्तीमा २५ जनाको मृत्यु

पाकिस्तानमा दुईवटा रेल ठोक्किँदा कम्तीमा २५ जनाको मृत्यु :: Times of Pradesh

एजेन्सी । पाकिस्तानको सिन्ध प्रान्तस्थित डहरकीमा दुईवटा रेल एकआपसमा ठोक्किँदा कम्तीमा २५ जनाको मृत्यु भएको छ। कयौं यात्रुहरू घाइते छन्।  सोमबार बिहान सैयद र मिल्लत एक्सप्रेस एकआपसमा जुधेका थिए। इञ्जिनसमेत तीन डिब्बा रहेको सैयद एक्सप्रेस रावलपिण्डीबाट कराचीतर्फ र मिल्लत एक्सप्रेस कराचीबाट सरगोधातर्फ जाँदै गर्दा जुधेका हुन्। 

गम्भीर घाइतेहरूको संख्या धेरै रहेकाले मानवीय हताहती बढ्नसक्ने चिकित्सकहरूलाई उद्धृत गर्दै पाकिस्तानी सञ्चारमाध्यमहरूले जनाएका छन्।  रेडियो पाकिस्तानका अनुसार घाइते यात्रीहरूलाई अहिले अस्पतालमा लगिएको छ र डिब्बामै फसिरहेका यात्रुहरूलाई जोगाउन उद्धारकर्ताहरूले अभियान थालेका छन्।  मिल्लत एक्सप्रेसको आठ र सैदय एक्सप्रेसको इञ्जिनसमेत तीनवटा डिब्बा रेलको लिकबाट उछिट्टिएको खबर छ।



टाइम्स अफ प्रदेश अनलाइन न्युज पाेर्टलमा प्रकाशित कुनै समाचारमा तपाईंको गुनासो भए हामीलाई info@timesofprdesh.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर र युट्युबमा पनि जोडिन सक्नुहुन्छ




Leave a comment