झापाको बिर्तामोडमा टिपरको ठक्करबाट गम्भीर घाइते भएका वृद्धाको उपचारको क्रममा मृत्यु भएको छ । प्रहरीका अनुसार मंगलबार साँझ ६:३५  बजेको समयमा  बिर्तामोड-३ स्थित दृष्टि आँखा अस्पताल अगाडि बिर्तामोड– भद्रपुर सडक खण्डमा बिर्तामोडबाट बनियानीतर्फ जाँदै गरेको प्र १–०१–००१ प १०१३ नम्बरको टिपरले ठक्कर दिँदा पैदल यात्री बिर्तामोड ३ की ७० वर्षीया लीलामाया बुढाथोकी गम्भीर घाइते भएकी थिइन् ।

घाइते बुढाथोकीको उपचारको क्रममा बीएण्डसी अस्पतालमा आज दिउँसो १ बजे मृत्यु भएको प्रहरीले जनाएको छ । यता इलाका प्रहरी कार्यालय बिर्तामोडले टिपर र टिपर चालक कचनकवल गाउँपालिका–५ का २१ वर्षीय जावेद आलमलाई नियन्त्रणमा लिएको छ ।