रोशी गाउँपालिका-९ बिरुवा डाँडास्थित बिपि राजमार्गमा वर्षाका कारण खहरे खोलामा बाढी आई सडकमा सवारी साधनको आवतजावत अवरुद्ध भएको छ। सबै सडक प्रयोगकर्ताहरूलाई सडकको अवस्था बारे बुझेर मात्र यात्रा गर्न जिल्ला ट्राफिक प्रहरीले अनुरोध गरेको छ। निरन्तर पानी परिरहेको र राजमार्ग निर्माण काम समेत अवरुद्ध भएको काभ्रेका ट्राफिक प्रहरी निरीक्षक सुनिल धाजुले जानकारी दिए। रोशी पालिकाभित्र खहरे खोलाहरूमा बाढी आइरहेका कारण राजमार्ग दुवै तर्फ अवरुद्ध रहेको धाजुले बताए।