भद्रपुरमा बिजुलीको पोलबाट करेन्ट लागेर एउटा गाईको मृत्यु भएको छ ।  आज बिहान साढे ११ बजे भद्रपुर नगरपालिका–५ स्थित झिम्की चोकमा रहेको बिजुली पोलको सहायक तारबाट करेन्ट चुहावट हुँदा स्थानीय पवित्रा यादवको गाई घटनास्थलमै मरेको हो । ट्रान्समिटरबाट भुईँमा गाडिएको सपोर्टिङ तारमा पानी परेर लाइन प्रवाह हुँदा गाईलाई लागेको स्थानीयले बताएको छ । घटना पश्चात् वडा प्रहरी कार्यालय भद्रपुर र नेपाल विद्युत् प्राधिकरणका कर्मचारी घटनास्थल पुगेका थिए ।