बैङ्किङ कसुर मुद्दाका फरार प्रतिवादी झापा मेचीनगरका गुञ्जन शर्मा  काठमाडौँबाट पक्राउ परेका छन् । मेचीनगर नगरपालिका-९ घर भई हाल काठमाडौँ महानगरपालिका-४ महाराजगन्जमा बस्दै आएका ४२ वर्षीय शर्मालाई जिल्ला प्रहरी कार्यालय झापाबाट खटिएको प्रहरी टोलीले हिजो बिहान अन्दाजी ७ः३० बजे काठमाडौँ टोखा नगरपालिका वडा नम्बर ३ ग्राण्डी टावरबाट पक्राउ गरेको हो । उनलाई हिजो साँझ ७ः१० बजे जिल्ला प्रहरी कार्यालय झापामा ल्याई थप अनुसन्धान कार्य जारी रहेको डीएसपी कृष्णकुमार चन्दले जानकारी दिए ।

मिति २०७९ चैत १५ गते उच्च अदालत विराटनगर इलाम इजलासले शर्मालाई ८ दिन कैद र ५४ लाख ९४ हजार ९०० रुपैयाँ जरिवाना तोकेको थियो । तर, मिति २०८० जेठ ८ गते पाटन जिल्ला अदालतले एक दिन कैद र १ लाख ८५ हजार रुपैयाँ जरिवानासहितको फैसला सुनाएको थियो ।