भद्रपुर । भद्रपुर-१० स्थित राष्ट्र सेवक बचत तथा ऋण सहकारी संस्थाको २५ औं वार्षिक साधारण शनिबार सभा सम्पन्न भएको छ ।सहकारीका अध्यक्ष वशिष्ठ अधिकारीको अध्यक्षता तथा नेपाल निजामती कर्मचारी सङ्गठनका अध्यक्ष लेखनाथ कोइरालाको प्रमुख आतिथ्यमा साधारण सभा सम्पन्न गरिएको हो ।

सहसचिव सीता गुरागाईँले स्वागत गरेको कार्यक्रममा अध्यक्ष अधिकारीले वार्षिक नीति तथा कार्यक्रम प्रस्तुत गर्दै एक करोड ७१ लाख ७८ हजार शेयर पुँजी तथा ८०८ जना शेयर धनी सहितको विवरण पेस गरेका थिए ।

सचिव नवराज पोखरेलले सञ्चालन गरेको कार्यक्रममा , नेपाल निजामती कर्मचारी सङ्गठन कोशीका काशीराज पराजुली, सङ्गठन झापाका अध्यक्ष केदार पोखरेल, ज्ञानोदय शिक्षक बचत तथा ऋण सहकारीका अध्यक्ष गोपीकृष्ण न्यौपाने, हरिकृष्ण अधिकारी, फणीन्द्र अधिकारी लगायतले शुभकामना मन्तव्य राख्दै केही विकृत सहकारीका कारण सहकारी क्षेत्र बदनाम हुँदै गएकाले सबै शेयरधनी सचेत हुन आवश्यक रहेको धारणा राखेका थिए  ।