स्कुलबसले ठक्कर दिँदा मोरङको रंगेलीमा साइकलमा सवार एक व्यक्तिको मृत्यु भएको छ। विद्यार्थी लिन विराटनगरबाट पूर्वतर्फ जाँदै गरेको अरनिको आवासीय माविको को १ क १७०० नम्बरको बसले ठक्कर दिँदा आइतबार बिहान पौने १० बजेतिर रंगेली नगरपालिका– २ स्थित चेका पुलमा साइकलमा सवार धनपालथान गाउँपालिका– ३ मायागन्जका ५५ वर्षीय जगन्नाथ ठाकुरको मृत्यु भएको हो।

बससहित बसका चालक झापा कन्काई नगरपालिका– १ का ५७ वर्षीय इन्द्रप्रसाद मिश्रलाई नियन्त्रणमा लिएर घटनाको अनुसन्धान गरिरहेको मोरङ प्रहरी प्रवक्ता ज्ञानेन्द्रबहादुर बस्नेतले बताए।