झापाको भद्रपुरमा एक घर एक बिरुवा अभियान सुरु भएको छ। भद्रपुर नगरपालिकाको आयोजनामा सञ्चालित अभियान अन्तर्गत बिहीबार ४५० वटा बिरुवा रोपिएको छ।

भद्रपुर नगरपालिका-२ स्थित सिता चौकदेखि देबीवस्ती टोलसम्म भर्खरै निर्माण गरिएको कालोपत्रे सडकको दाइया बायाँ साइडमा करिब ४५० बिरुवाहरू रोपिएको हो । सो सडक सङ्घीय सरकारको योजनामा बनाइएको हो । कार्यक्रममा बोल्दै भद्रपुर नगर प्रमुख गणेश पोखरेलले नगरपालिकाले एक घर एक बिरुवा अभियान सुरु गरेको बताए ।

विश्वभर बढ्दो जलवायु परिवर्तनलाई लक्षित गरी नगरपालिकाले एक घर एक बिरुवा अभियानको सुरुवात गरेको बताउँदै उनले भने, ]अहिले नगरभित्र बन्दै गरेको सडक किनारमा वृक्षारोपण सुरु गरेका छौँ, सडक किनारमा लगाइएको बिरुवाको संरक्षण सम्बन्धित घरधनीले गरे नगर हरियाली हुनेमा आफू विश्वस्त छु ।' 

कार्यक्रममा २ नम्बर वडा अध्यक्ष रामबहादुर कँडेल, वडा सदस्य, स्थानीयबासीहरुको उपस्थितमा  वृक्षारोपण गरिएको नगर प्रमुखका स्वकीय सचिव राजा मण्डलले जानकारी दिए ।