झापाको हल्दिबारीमा मठमन्दिरमा हुने चोरीका घटना अझै रोकिएको छैन । यसै क्रममा हल्दिबारी गाउँपालिका-२ स्थित भेलागढी सामुदायिक वन बल्क नम्बर ४ क्षेत्र भित्र रहेको काली मन्दिरमा गएराती चोरी भएको छ ।

मन्दिर भित्रको दान पेटिका फुटाएर दान पेटिकामा रहेको १५ हजार पैसा र साउन्ड बक्स, एम्लीफाइर चोरी भएको सामुदायिक वनका सचिव खगेन राजवंशीले बताए ।  मन्दिरको बाहिरी गेट र मूल गेडको ताला फुटाएर चोरी भएको र यस बारेमा प्रहरीलाई जानकारी गराइसकेको उनले बताए ।