२०८० फाल्गुन १० गते , विहीबार

हावाहुरीले कचनकवलमा ८ हजार कोलाका बोट नष्ट, करिब ४० लाखको नोक्सानी

sajilo news
झापा
२०८० आश्विन १६ गते , मंगलबार
हावाहुरीले कचनकवलमा ८ हजार कोलाका बोट नष्ट, करिब ४० लाखको नोक्सानी

कचनकवल । झापाको कचनकवल गाउँपालिकामा किसानहरूले लगाएको करिब ८ हजार कोलाका बोट नष्ट भएको छ । आइतबार बिहान आएको हावाहुरीका कारण त्यहाँका २३ किसान परिवारले लगाएको ५० देखी ६० प्रतिशत कोलाका बोटहरू नष्ट भएको कचनकवल गाउँ कृषि शाखा प्रमुख संगम सापकोटाले जानकारी दिए । 

किसानले आउँदै गरेको चाडबाडलाई लक्षित गरेर लगाएको कोला पूर्ण रूपले क्षति भएको स्थलगत निरीक्षण क्रममा देखिएको उनको भनाई छ । कचनकवल गाउँपालिका  ४ का मनोज कुमार गणेशका अनुसार बगानमा लगाइएको १५ सय कोलाका बोटहरू नष्ट हुँदा नोक्सानी भएको बताए । उनी जस्तै सत्यनारायण गणेश, धर्मेन्द्र यादव, जितलाल गणेश र सतलाल गणेश लगायत २३ किसान परिवारले सहकारी तथा बैङ्कको ऋणमा लगाएको कोला क्षति हुँदा  घरको न घाटको भएको बताउँछन् ।

अहिलेको अवस्थामा उनीहरूको लागत खर्च मात्रै दुई सय पचास पुगिसकेको छ भने प्रति केराका घरी ४०० देखी ५०० सम्ममा बिक्री हुँदै आएको उनीहरूको भनाई छ । किसानहरूका अनुसार करिब ४० लाखको नोक्सानी भएको छ । उनीहरूले स्थानीय सरकार तथा केन्द्र सरकाबाट राहतको अपेक्षा समेत गरेका छन । कृषकहरूलाई कृषि बिमा सम्बन्धी जानकारी नहुँदा ठुलो नोक्सानी बेहोर्नु परेको छ ।

सम्बन्धित समाचार