झापामा ब्राउन सुगरसहित एक युवक पक्राउ परेका छन् । पक्राउ पर्नेमा अर्जुनधारा नगरपालिका-७ निवासी २३ वर्षीय वामदेव मिश्र रहेको प्रहरीले जनाएको छ ।

प्रहरीले झापा गाउँपालिका- ४ र ५ को सीमा नजिकैबाट मंगलबार दिउँसो २ बजे भारतबाट नेपालतर्फ आउँदै गरेका मिश्रलाई शङ्का लागि चेकजाँच गर्दा ब्राउन सुगर जस्तो देखिने लिसाइलो पदार्थ साढे ३ ग्राम फेला पारेको थियो। 

शरणामती प्रहरी चौकीका प्रमुख प्रहरी सहायक निरीक्षक वीरबहादुर भण्डारीको कमान्डमा खटिएको टोलीले मिश्रलाई पक्राउ गरी आवश्यक कारबाही अघि बढाएको छ ।