झापा । झापामा लागु औषध ब्राउन सुगरसहित एक जना पक्राउ परेका छन् । पक्राउ पर्नेमा शिवसताक्षी नगरपालिका- १ स्थित शुक्रबारे निवासी २१ वर्षीय किरण श्रेष्ठ रहेको प्रहरी कार्यालय झापाका डिएसपी वसन्त पाठकले जानकारी दिए ।

उनलाई शिवसताक्षी- १ स्थित धरमपुर चर्चावारिबाट आइतबार बेलुका ६ बजे इलाका प्रहरी कार्यालय दमक र इलाका प्रहरी कार्यालय झिलझिलेबाट खटिएको प्रहरी टोलीले पक्राउ गरेको हो । प्रहरीले उनको साथबाट १ ग्राम ६०० मिलिग्राम ब्राउन सुगर बरामद गरेको छ । उनलाई आवश्यक कारबाहीका इलाका प्रहरी कार्यालय झिलझिलेमा राखिएको प्रहरीले जनाएको छ ।