सामाजिक संस्था इनर व्हील क्लब अफ भद्रपुरले विद्यार्थीहरूलाई शैक्षिक सामग्री वितरण गरेको छ । महिलाद्वारा सञ्चालित इनर व्हील क्लबले भद्रपुर- ७ स्थित भृकुटी प्राविका विद्यार्थीहरूलाई शैक्षिक सामग्री वितरण गरेको हो । क्लबले विद्यालयमा एक संक्षिप्त कार्यक्रमको आयोजना गरी विद्यालयमा अध्ययनरत बाल कक्षादेखि ५ सम्मका ८० जना विद्यार्थीहरूलाई कपि, पेन्सिल, इरेजर लगायतको शैक्षिक सामग्री वितरण गरेको क्लबकी कार्यकारी सदस्य लिना राई (श्रेष्ठ)ले जानकारी दिइन् ।

क्लबकी अध्यक्ष कुसुम अधिकारी (पराजुली), उपाध्यक्ष निर्मला निरौला, कोषाध्यक्ष शारदा पराजुली, सदस्यहरू जानकी पोखरेल, अमृता पराजुलीसहितको टोलीले सो सामग्री वितरण गरेका हुन् । सामाजिक क्षेत्रमा क्रियाशील क्लबले यसअघि नगर क्षेत्रमा  महिनावारी सचेतना तथा स्यानिटरी प्याड वितरण,  विपन्न परिवारलाई न्यानो लुगा र जुत्ता वितरण समेत वितरण गरिसकेको जनाइएको छ ।