झापाको बुद्धशान्तिमा रुखबाट लडेर घाइते भएका एक जनाको उपचारकै क्रममा मृत्यु भएको छ। मृत्यु हुनेमा बुद्धशान्ति गाउँपालिका–१ मझुवा निवासी ५५ वर्षीय मैतबहादुर लिम्बु रहेका छन् ।

प्रहरीका अनुसार जेठ ७ गते दिउँसो करिब १ः३० बजे कुटमिरोको रुखमा चढेर घाँस झार्ने क्रममा उनी अचानक लडेर घाइते भएका थिए। उनको टाउको र छातीमा गम्भीर चोट लागेको थियो। गम्भीर घाइते भएका लिम्बुको उपचारका लागि बीएण्डसी अस्पताल बिर्तामोड लगिएको थियो।

उनको आज बेलुका ४ बजे उपचारकै क्रममा मृत्यु भएको जिल्ला प्रहरी कार्यालय झापाले जनाएको छ। घटनाबारे थप अनुसन्धान भइरहेको प्रहरीले जनाएको छ।