२०७८ कार्तीक ८ गते , सोमवार

धनगढीमा क्यान्सर अस्पताल खोल्ने दुर्गा प्रसाईँको घोषणा

धनगढीमा क्यान्सर अस्पताल खोल्ने दुर्गा प्रसाईँको घोषणा :: Times of Pradesh
झापा । बिएन्डसी र पूर्वाञ्चल क्यान्सर हस्पिटलका सञ्चालक दुर्गाप्रसाद प्रसाईँले धनगढीमा क्यान्सर अस्पताल खोल्ने घोषणा गरेका छन् ।
मङ्गलवार धनगढीमा गरिएको पत्रकार सम्मेलनमा बिएण्डसी हस्पिटलका सञ्चालक प्रसाईँले त्यस्तो घोषणा गरेका हुन्। धनगढीमा अस्पताल सञ्चालन गर्नुपर्छ भन्ने यो क्षेत्रका आफ्ना साथीहरूको प्रस्ताव आएपछि अस्पतालको सम्भाव्यता अध्ययनकै क्रममा आफू धनगढी आएको प्रसाईँले बताए।
झापामा सुविधा सम्पन्न पूर्वाञ्चल क्यान्सर अस्पताल सञ्चालनमा आएपछि काठमाण्डौं र सुदूरपश्चिममा पनि सुविधा सम्पन्न अत्याधुनिक क्यान्सर अस्पताल खोल्ने आफ्नो योजना रहेको उनले बताए। झापामा सञ्चालनमा रहेको बिएण्डसी अस्पताल दक्षिण पूर्वी एसियाकै अत्याधुनिक सुविधा सम्पन्न अस्पताल भएकोले धनगढी क्षेत्रका बिरामीको उपचारका लागि पनि आफ्नो अस्पताल भरपर्दो गन्तव्य हुने उनले दाबी गरे।
यसका साथै सुदूरपश्चिमका बिरामीहरूको उपचार खर्चमा २० प्रतिशत बिएण्डसीमा छुट दिने उनको भनाइ छ । अस्पतालसँगै होटेल क्षेत्रमा पनि आफ्नो लगानी र अनुभव भएकोले अस्पताल सञ्चालनका लागि सकारात्मक सहयोग र सद्भाव प्राप्त भए अन्य क्षेत्रमा पनि लगानी गर्न आफू तयार रहेको प्रसाईँले बताए ।

अहिले अस्पताल निर्माण र सञ्चालनका लागि उपयुक्त ठाउँमा जग्गाको खोजी भइरहेको उनले बताए । काम गर्ने र लगानी गर्ने वातावरण निर्माण भए ठुलो सङ्ख्यामा बिदेसिने युवालाई रोक्न सकिने भए पनि लगानीमैत्री वातावरण बन्न नसक्दा युवा पलायन भइरहेको प्रसाईँले बताए । सुदूरपश्चिममा अस्पताल निर्माण र सञ्चालनका लागि सकारात्मक वातावरण निर्माण गर्न प्रसाईँले सबैलाई अनुरोध गरेका छन्।


टाइम्स अफ प्रदेश अनलाइन न्युज पाेर्टलमा प्रकाशित कुनै समाचारमा तपाईंको गुनासो भए हामीलाई info@timesofprdesh.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर र युट्युबमा पनि जोडिन सक्नुहुन्छ




Leave a comment