२०८१ जेष्ठ १३ गते , आईतबार

भारतीय प्रख्यात अभिनेता दिलिप कुमारको निधन

sajilo news
पार्थ मण्डल
२०७८ असार २३ गते , बुधबार
भारतीय प्रख्यात अभिनेता दिलिप कुमारको निधन

काठमाडौं । भारतीय सिने जगतका प्रख्यात अभिनेता दिलिप कुमारको ९८ वर्षको उमेरमा आज निधन भएको छ। लामो समयदेखि बिरामी रहेका दिलीपको ९८ बर्षको उमेरमा आज बिहान साढे ७ बजे निधन भएको भारतीय सञ्चारमाध्यम आजतकले जनाएको छ। 
घरमै उपचार गराउँदै आइरहेका दिलीपको स्वास्थ्य अवस्था अचानक बिग्रन थालेपछि मुम्बईको हिन्दुजा अस्पताल भर्ना गरिएको थियो। उनलाई फोक्सोमा संक्रमण देखिएको थियो।
स्वास्थ्यमा समस्या देखिएपछि उनलाई धेरै पटक अस्पतालमा भर्ना गरिएको थियो।  उनले ८ पटक ‘बेस्ट एक्टर’ का रूपमा फिल्म फेयर अवार्ड पाएका थिए ।यस्तै हिन्दी सिनेमामा सबैभन्‍दा ठूलो सम्‍मान मानिने ‘दादा साहेब फाल्के अवार्ड’ बाट पनि उनलाई सम्मानित गरिएको थियो। सन २०१५ मा भारत सरकारले उनलाई पद्‍म भूषणबाट सम्मान गरेको थियो। 

सम्बन्धित समाचार