झापा  । मोरङ कानेपोखरीमा प्रतिबन्धित लागु औषधसहित तीन जना पक्राउ परेका छन् । पक्राउ पर्नेमा रङ्गेली ६ का १९ वर्षीय अभिशेख कुमार मण्डल, सुन्दरहरैचा ७ का १९ वर्षीय सुवास तामाङ र उर्लाबारी ६ का २८ वर्षीय अनमोल घिमिरे रहेको प्रहरीले जनाएको छ । 

मङ्गलवार दिउसो साढे ३ बजे को २ ह ३३९६ नम्बरको अटोमा आइरहेका तीनै जनालाई नियन्त्रणमा लिई चेकजाँच गर्दा  अटोको सिट मुनि लुकाई राखेको ५८८ चक्की नाईट्राभेट लागु औषध फेला पारेको इलाका प्रहरी कार्यालय पथरीले जनाएको छ ।

पक्राउ परेका मध्ये मण्डल अटो चालक रहेका र उनको समेत संलग्नता रहेको खुल्न आएको छ भने अन्य थप दुई जनाको विषयमा समेत अनुसन्धान भइरहेको प्रहरी कार्यालय मोरङले जनाएको छ ।