बिर्तामोड । कोशी प्रदेशका मुख्यमन्त्री हिक्मत कार्कीले पत्रकार महासंघको निर्वाचन राजनीतिक दलको जस्तो मारामार भएको बताएका छन् । उनले पेशागत क्षेत्रको निर्वाचन दलहरूको जस्तो नगर्न सुझाव दिए ।

कोशी प्रदेश र जिल्ला कार्यसमितिमा निर्वाचितहरुलाई मंगलवार मुख्यमन्त्रीको कार्यालयमा बधाई ज्ञापन गर्दै मुख्यमन्त्री कार्कीले पत्रकारको नेतृत्व सर्वसम्मतबाट चयन हुनुपर्ने धारणा राखे । नोमिनेशन, चुनाव, मारामारको परिस्थिति आउन दिन हुँदैन, कार्कीले भने – चुनाव राजनीतिक पार्टीको जस्तो भयो । सकिन्छ भने सच्याउनु होला ।

पेशाको विकास र समृद्धिका लागि दलहरूको जस्तो निर्वाचन गर्ने परम्परा सच्याएर जान आग्रह गरेका छन् । पत्रकारहरूले दलहरूको नराम्रा अभ्यास सच्याउनुपर्नेमा उल्टै उस्तै अभ्यास गरेकोमा मुख्यमन्त्री कार्कीले चिन्ता व्यक्त गरेका छन् ।