मेचीनगर । झापाको मेचीनगरमा दमकल दुर्घटनामा परेको छ । पूर्व-पश्चिम राजमार्ग अन्तरगत मेचीनगर- ७ स्थित इट्टाभट्टामा आज राती भारतीय नम्बर प्लेटको कारमा अचानक आगलागी थियो ।

गुडिरहेको कारमा अचानक आगलागी भएपछि सो आगो निभाउन जाँदै गरेको बिर्तामोड नगरपालिकाको दमकल दुर्घटनामा परेको हो ।  बिर्तामोडदेखि मेचीनगर जाँदै गरेको दमकल ट्याक्टरसँग ठोक्किँदा दुर्घटनामा परेको हो प्रहरीले जनाएको छ । सो घटनाको विस्तृत विवरण आउन बाँकी छ ।

उता कारको ब्याट्री सर्ट भएर आगो लागेको हुनसक्ने आशङ्का गरिएको छ। यद्यपि, आगलागीको समयमा कारमा रहेका यात्रुहरू सुरक्षित रहेका छन् र कुनै मानवीय क्षति नभएको प्रहरीले जनाएको छ । घटनापछि स्थानीय र सुरक्षाकर्मीको सहयोगमा आगो नियन्त्रणमा लिइएको छ। कार भने पूर्णरूपमा जलेर नष्ट भएको छ ।