झापा । नेकपा (माओवादी केन्द्र)को भातृ संगठन योङ कम्युनिस्ट लिग (वाइसिएल)को झापा जिल्ला अधिवेशन बैशाख २२ गते हुने भएको छ ।

बिर्तामोडमा बिहीबार पत्रकार सम्मेलनको आयोजना गरी वाइसिएलको छैटौँ अधिवेशनको बारे जानकारी गराइएको हो । माओवादी केन्द्रका जिल्ला संयोजक राजु आचार्य (अग्नि)ले लामो समयदेखि सुस्त अवस्थामा रहेको संगठनलाई चलायमान बनाउन जिल्ला अधिवेशन गर्न लागिएको बताए । अधिवेशनले ७५ सदस्यीय नयाँ कार्यसमिति चयन गर्ने वाइसिएल जिल्ला संयोजक राजु दर्नालले जानकारी दिए ।