हल्दीबारी गाउँपालिकाले सबैभन्दा पहिलो बालमैत्री घोषणा गर्ने वडालाई १० लाख दिने घोषणा गरेको छ। हल्दीबारी गाउँपालिकामा आज मंगलबार बसेको बैठकले यस्तो निर्णय गरेको हो ।

गाउँपालिकाका अध्यक्ष रवीन्द्रप्रसाद लिङ्देनले वडाको सिलिङ बजेटबाट पहिलो बालमैत्री घोषणा गर्ने वडालाई १० लाख दिने घोषणा गरेका हुन् । गाउँपालिकालाई बालमैत्री बनाउन अभियान अन्तरगत आज बालमैत्री स्थानीय शासनयुक्त गाउँपालिका स्तरीय बैठक बसेको थियो ।