कोशी प्रदेशसभाको स्थगन भएको बैठक भोलि (शुक्रबार) बिहान ११ बजे बस्ने भएको छ।  कोशी प्रदेशसभा सचिवालयले एक सूचना जारी गर्दै बैठक आज राति ८ बजे बस्ने भनिएको बैठक भोलि बस्ने जानकारी दिएको हो।

प्रदेशसभाका सचिव गोपाल प्रसाद पराजुलीले जारी गरेको सूचनामा विशेष कारणवश आज राति ८ बजे प्रदेशसभाको बैठक बस्न नसकेकाले शुक्रबार बिहान ११ बस्ने जनाइएको छ।

यसअघि कोशी प्रदेशका मुख्यमन्त्री हिक्मतकुमार कार्कीले शुक्रबार बिहान ८ बजेसम्मका लागि बैठक स्थगन गर्न आग्रह गरी सभामुखलाई पत्र पठाएका थिए। संसद्‌मा उठेका प्रश्नको जवाफ तयार पार्न भन्दै मुख्यमन्त्री बाहिर निस्किएका थिए।