भद्रपुर । बैङ्किङ कसुर मुद्दाका एक फरार प्रतिवादी पक्राउ परेका छन् । पक्राउ पर्नेमा कमल गाउँपालिका- ३ बस्ने ५० वर्षीय फणीन्द्र पन्धाक रहेका छन् ।

उच्च अदालत विराटनगर इलाम इजलास, इलामको २०७९ जेठ १८ गतेको फैसला अनुसार बैङ्किङ कसुर मुद्दामा पन्धाकलाई ७ दिन कैद, १३ लाख २० हजार जरिवाना र ५२ हजार ८०० पीडित राहत कोषमा जम्मा गर्नु पर्ने सजाय सुनाइएको थियो । सोही दिन देखि फरार रहेका उनलाई जिल्ला प्रहरी कार्यालय झापाबाट खटिएको प्रहरी टोलीले बुधवार पक्राउ गरेको हो । उनलाई झापा जिल्ला अदालतमा उपस्थित गराई अदालतको आदेशले झापा कारागार पठाइएको जिल्ला प्रहरी कार्यालयले जनाएको छ ।