लागू औषध (गाँजा) मुद्दामा फरार रहेकी एक महिला प्रतिवादीलाई प्रहरीले पक्राउ गरेको छ । पक्राउ पर्नेमा कमल गाउँपालिका ३ बस्ने ३८ वर्षीया भिमकुमारी लिम्बू लावती रहेकी छन् । झापा जिल्ला अदालतको २०७७ असोज १५ गतेको फैसला अनुसार लागू औषध (गाँजा) मुद्दामा उनलाई ७ महिना कैद र रु २ हजार जरिवाना तोकिएको थियो । फरार रहेका उनलाई जिल्ला प्रहरी कार्यालय झापाबाट खटिएको प्रहरी टोलीले बुधवार पक्राउ गरेको हो ।

बिहीबार झापा जिल्ला अदालत भद्रपुरमा उपस्थित गराई अदालतको आदेशले कैद भुक्तानको लागि कारागार पठाइएको जिल्ला प्रहरी कार्यालयले जनाएको छ ।